حــلا البيبســي

+
----
-

اليوم جايبه لكم حلا

أتمنى يعجبكم ..

المـــقــــاااديـــــر :

ا بسكويت شاي

2 قشطه

2 كيس دريم وب

6 حبات جبن كيري

1 ونصف كيس كريم كاراميل

1 علبه بيبسي

حليب (حسب الاحتياج )


الطـــريــــــــــــقـــــــه :

1- نخلط كل من الجبن والقشطه والدريم وب في الخلاط ... ونضيف الحليب حسب الحاجه (يعني اذا حسيتي ان الخليط سميك كثير ضيفي شويه حليب ( والخليط في هالطبخه يفضل يكون سميك شوي ..

2- نصف البسكويت في القالب ونشربه شويه حليب

3- نخلي الخليط على البسكيوت .. و نوزعه

4- بعدين نخليه بالثلاجه لين ما يجمد ...

نروح حق خلطة البيبسي ...

1- يوضع البيبسي وكيس ونصف كريم كاراميل في قدر ويوضع على النار ..

2- نخليه يغلي غلوه خفيفه على النار ونرفعه ونتركه يبرد (يبرد في حراره الغرفه مو بالثلاجه عشان لا يجمد )

بعد ما نتاكد ان الكريمه جمدت وان البيبسي مع الكريم كاراميل برد ...

1- نوزع خليط البيبسي على الكريمه بحذر بملعقه .. يعني ما نوضعه مره وحده عشان لا تنحفر الكريما ..

بعدين نخليها بالثلاجه الى ان يجمد خليط البيبسي ...

ملاحظة " تقدرون تستبدلون البيبسي بشي ثاني مثل ميراندا او سفن آب أو تستبدلونه بشراب الفيمتو او اي شي تحبونه ..

الـــــف عااااااااااااافيـــــــــــــة ..